საქართველოს პრეზიდენტის, სალომე ზურაბიშვილის მიერ შეთავაზებულ "ქართულ ქარტიას" პარტია მოქალაქეებიც უერთდება. ამის შესახებ პარტიის ლიდერმა, ალეკო ელისაშვილმა განაცხადა.
"უნდა ვიცოდეთ, რომ შინაარსობრივი ერთობის გარეშე ქართულ ოცნებას ვერ დავამარცხებთ. ოცნების დამარცხების გარეშე კი რუსეთში აღმოვჩნდებით. სინამდვილეში, ძალიან მარტივი არჩევანია. პოლიტიკურ პარტიებს ვითარება პრეზიდენტმა კიდევ უფრო გაგვიადვილა და რა თქმა უნდა, ჩვენ ამ პარტიას შევუერთდებით". - თქვა ელისაშვილმა.
- დაუშვილი "ქართულ ქარტიაზე": ინიციატორებთან კონსულტაციები გვექნება და პოზიციას მერე გეტყვით
-
ხვიჩია პრეზიდენტის მიერ ინიცირებულ "ქართულ ქარტიაზე": ხელის მოწერას არ ვაპირებთ
ამ დროისთვის ცნობილია, რომ ალეკო ელისაშვილის პარტიის გარდა, ქარტიას ხელს აწერენ ნაციონალური მოძრაობა, სტრატეგია აღმაშენებელი, ახალი, ევროპული საქართველო, ლელო, გირჩი - მეტი თავისუფლება, დროა და პოლიტიკური ჯგუფი ევროოპტიმისტები.
საქართველოს პრეზიდენტმა, სალომე ზურაბიშვილმა 26 მაისს სიტყვით გამოსვლისას "ქართული ქარტია" წარადგინა, რომლის ფარგლებშიც მან პროევროპულ ოპოზიციურ პარტიებს თანამშრომლობა შესთავაზა.