სალომე ზურაბიშვილის მიერ შეთავაზებულ "ქართულ ქარტიას" საპარლამენტო პოლიტიკური ჯგუფი ევროოპტიმისტებიც უერთდება. ამის შესახებ რომან გოცირიძემ განაცხადა.
"ქართული ოცნება მარტოდმარტოა და ამ ქარტიას, რომელიც პრეზიდენტმა წარმოადგინა, ალბათ, პოლიტიკური პარტიების აბსოლუტური უმრავლესობა შეუერთდება. ჩვენ, ევროოპტიმისტები, როგორც პოლიტიკური ჯგუფი, ამ ქარტიას მივესალმებით და ვუერთდებით". - თქვა გოცირიძემ.
საპარლამენტო ჯგუფ ევროოპტიმისტების წევრები რომან გოცირიძე და ხატია დეკანოიძე არიან.
- დაუშვილი "ქართულ ქარტიაზე": ინიციატორებთან კონსულტაციები გვექნება და პოზიციას მერე გეტყვით
-
ხვიჩია პრეზიდენტის მიერ ინიცირებულ "ქართულ ქარტიაზე": ხელის მოწერას არ ვაპირებთ
ამ დროისთვის ცნობილია, რომ ევროოპტიმისტების გარდა, ქარტიას ხელს აწერენ ნაციონალური მოძრაობა, სტრატეგია აღმაშენებელი, ახალი, ევროპული საქართველო, ლელო, გირჩი - მეტი თავისუფლება და დროა.
საქართველოს პრეზიდენტმა, სალომე ზურაბიშვილმა 26 მაისს სიტყვით გამოსვლისას "ქართული ქარტია" წარადგინა, რომლის ფარგლებშიც მან პროევროპულ ოპოზიციურ პარტიებს თანამშრომლობა შესთავაზა.
