იაგო ხვიჩიას თქმით, პარტია გირჩი სალომე ზურაბიშვილის მიერ შეთავაზებულ "ქართულ ქარტიას" ხელს არ მოაწერს, თუმცა, ინიციატივას მხარს უჭერს.
"ჩვენ ხელის მოწერას არ ვაპირებთ, მაგრამ მხარს ვუჭერთ [...] ამ დოკუმენტის შინაარსს ახლა გავეცანით და იმისთვის ვემზადებით, რომ ამასთან დაკავშირებით დისკუსიებში მონაწილეობა მივიღოთ. მაგრამ საქმე და პრინციპი, რასაც პრეზიდენტი აკეთებს, რომ ჩვენი კოლეგები გააერთიანოს, სწორია და მივესალმებით.
[...] ჩვენი ხელმოწერა აქ საჭირო არ არის. საჭიროა, ხელი იმ პარტიებმა მოაწერონ, რომლებმაც თანამშრომლობის სურვილი გამოთქვეს და ამით ის ხმები, რომელიც ოპოზიციურია და შეიძლება დაიკარგოს, ამის რისკი გაქრება". - თქვა ხვიჩიამ.
ამ დროისთვის ცნობილია, რომ ქარტიას ხელს აწერენ ნაციონალური მოძრაობა, სტრატეგია აღმაშენებელი, ახალი, ევროპული საქართველო, ლელო, გირჩი - მეტი თავისუფლება და დროა.
საქართველოს პრეზიდენტმა, სალომე ზურაბიშვილმა 26 მაისს სიტყვით გამოსვლისას "ქართული ქარტია" წარადგინა, რომლის ფარგლებშიც მან პროევროპულ ოპოზიციურ პარტიებს თანამშრომლობა შესთავაზა.