NDI-ის კვლევა

NDI: მოსახლეობის 75% ამბობს, რომ ბოლო 10 წელში სიღარიბე გაუარესდა

ლევან ხერხეულიძე / ლიბერალი

ეროვნულ-დემოკრატიული ინსტიტუტის (NDI) საზოგადოებრივი აზრის ახალი კვლევის მიხედვით, მოსახლეობა თვლის, რომ ძირითადი მიმართულებებით ქვეყანაში მდგომარეობა გაუარესებულია. 

კვლევის მიხედვით, მოსახლეობის 75% მიიჩნევს, რომ ბოლო 10 წელში სიღარიბე გაუარესდა, 17%-ისთვის არაფერი შეცვლილა და მხოლოდ 6%-ისთვის გაუმჯობესდა მდგომარეობა. 

სიღარიბის აღქმა გაუარესდა იმ მოქალაქეებშიც, რომლებიც მხარს მმართველ გუნდს უჭერენ. ქართული ოცნების მხარდამჭერების 51% თვლის, რომ სიღარიბის მხრივ სიტუაცია გაუარესდა, 29% მიიჩნევს, რომ არაფერი შეცვლილა, ხოლო 19%-ისთვის მდგომარეობა გაუარესდა. 

NDI-ის კვლევა 2021 წლის 7-13 დეკემბერს ჩატარდა, სატელეფონო გამოკითხვის მეთოდით. რესპონდენტები შემთხვევით დარეკვის პრინციპით შეირჩნენ - ჯამში, ჩაიწერა 2 099 დასრულებული ინტევიუ. საშუალო ცდომილების ზღვარი +/- 1.3%-ია, ცდომილების ზღვარი სხვადასხვა კითხვის მიხედვით იცვლება. 

კომენტარები