სალომე ზურაბიშვილს ქართული ოცნების სახე ჰქონდა ძალიან დიდი ხნის განმავლობაში და ჩვენ კარგად გვახსოვს, როგორ მოხვდა იგი პრეზიდენტის ინსტიტუტის განმკარგველი ამ ქვეყანაში. ასევე გვახსოვს ქართული ოცნების მხრიდან სალომე ზურაბიშვილის ბანერების ნაცვლად ბიძინა ივანიშვილი და ა.შ. გვახსოვს მისი განცხადებები და წერილები, მათ შორის, საქართველოს ე.წ. ომის დაწყების შესახებ, რაც, პრაქტიკულად, უპატიებელია ჩემთვის. მაგრამ, ბოლო რამდენიმე გამოსვლაა, იგი, პრაქტიკულად, ემიჯნება ქართულ ოცნებას. დადღევანელი გამოსვლაც ნიშნავს იმას, რომ ქართულ ოცნებას გაემიჯნა და, ვფიქრობ, რომ სწორი პოზიცია აქვს, იმიტომ, რომ ახლა არის ძალიან მძიმე მოცემულობა - როდესაც საქართველომ ხელისუფლების ხელშეწყობით დაკარგა მიზიდულობა ევროატლანტიკური კურსის მიმართ, მობრუნდა რუსული ორბიტისკენ.
ფაქტია, რომ ეს გამოჯვნაც, ჩამოშლაც, დაშლაც ქართულ ოცნებაში და პოზიციების განცალკევება ზუსტად ნიშნავს იმას, რომ ქართული ოცნების დამოკიდებულება და გადაწყვეტილება ჩვენი პროდასავლური კურსის შეცვლასთან დაკავშირებით არის საოცარ იზოლაციაში. [...] მესმის მისი დამოკიდებულება, ნაწილობრივ ვიზიარებ, მაგრამ მას არ უხსენებია სანქცია, მან თქვა, რომ ხელისუფლებამ უარი თქვა ამ სესხზე, რაც არ არის სიმართლე.
