საქართველოს მთავრობის განცხადებით, სომხეთის პრემიერმინისტრმა განმარტა, რომ სომხეთის პარლამენტის თავმჯდომარე გალუსტ სააკიანი ე.წ სამხრეთ ოსეთის დე ფაქტო პარლამენტის თავმჯდომარეს ანატოლი ბიბილოვს არაფორმალურ გარემოში შეხვდა.
"პრემიერმინისტრ ირაკლი ღარიბაშვილს დღეს სომეხი კოლეგა ჰოვიკ აბრაჰამიანი დაუკავშირდა და ცხინვალის საოკუპაციო რეჟიმის ე.წ. პარლამენტის თავმჯდომარის, ანატოლი ბიბილოვისა და სომხეთის პარლამენტის სპიკერის, გალუსტ საჰაკიანის შეხვედრის შესახებ ესაუბრა.
როგორც სომხეთის პრემიერმინისტრმა საქართველოს მთავრობის მეთაურს სატელეფონო საუბრისას განუმარტა, ანატოლი ბიბილოვი ყარაბაღში არასამუშაო დღეს, კერძო ვიზიტით იმყოფებოდა და გალუსტ საჰაკიანთან პირადი ხასიათის არაფორმალური კომუნიკაცია შედგა. შეხვედრაზე საქმიანი თემები, მათ შორის საქართველოს ოკუპირებულ ტერიტორიებთან დაკავშირებული საკითხები, განხილული არ ყოფილა.
ჰოვიკ აბრაჰამიანმა ირაკლი ღარიბაშვილს საქართველოს ტერიტორიული მთლიანობისა და სუვერენიტეტის ურყევი მხარდაჭერა კიდევ ერთხელ დაუდასტურა და ხაზი გაუსვა საქართველოსადმი სომხეთის კეთილმეზობლურ და მეგრობულ დამოკიდებულებას" - ნათქვამია საქართველოს მთავრობის განცხადებაში.
