რუსული სამთავრობო მედია TASS-ის ინფორმაციით, რუსეთის საგარეო საქმეთა მინისტრმა სერგეი ლავროვმა აღნიშნა, რომ მოსკოვი კვლავ მზადაა, აშშ-სთან ბუდაპეშტში შეხვედრა გამართოს.
"ჩვენ კვლავ მზად ვართ ბუდაპეშტში რუსეთ–აშშ-ს მეორე სამიტზე დასასწრებად, თუ ის ალასკის შეხვედრის შემდეგ შესრულებული სამუშაოს განხილვას დაეთმობა. თარიღი ჯერ შეთანხმებული არ არის. რუსეთ–აშშ-ს კონტაქტი გრძელდება," თქვა ლავროვმა.
რუსეთის საგარეო საქმეთა მინისტრი ირწმუნება, რომ Financial Times-მა ამბის ყალბი ვერსია გამოაქვეყნა და სამიტის გაუქმება უკრაინის მემორანდუმს დაუკავშირა. მისი თქმით, გამოცემამ მოვლენების არსი და თანმიმდევრობა დაამახინჯა, რათა ბრალი მოსკოვისთვის დაედო და ამავდროულად დონალდ ტრამპის კონფლიქტის მოგვარების არჩეული გზა გაემტყუნებინა.
