საგარეჯოში, სოფელ ბადიაურში ავტოსაგზაო შემთხვევას ერთი ადამიანი ემსხვერპლა. როგორც ინტერპრესნიუსი ადგილობრივებზე დაყრდნობით წერს, მუნიციპალური ავტობუსი ნაწვიმარ ასფალტზე, სავარაუდოდ, მოცურდა და გადაბრუნდა. მძღოლი ადგილზე დაიღუპა, სამი მგზავრი კი - დაშავდა.
შინაგან საქმეთა სამინისტრომ გამოძიება სსკ-ის 276-ე მუხლით დაიწყო. ეს გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიკვდილი გამოიწვია.
დაშავებული მგზავრები საავადმყოფოში მოათავსეს. წინასწარი შეფასებით, მათი მდგომარეობა სტაბილურია.
