20 ივნისის ღამეს, რუსეთმა უკრაინაზე უპილოტო საფრენი აპარატებით მასშტაბური იერიში მიიტანა.
თავდასხმის შედეგად დაიღუპა 1 და დაშავდა 14 ადამიანი.
"დაჭრილთა შორის არის 3 მაშველი. მონაცემები სხვა დაშავებულების შესახებ ზუსტდება". – წერს ოფიციალურ Telegram არხზე ოდესის ოლქის პროკურატურა.
პროკურატურის ინფორმაციით, რუსეთმა მინიმუმ 10 დრონი გამოიყენა.
რუსული იერიშის შედეგად დაზიანებულია 23-სართულიანი სახლი, ასევე რამდენიმე სხვა საცხოვრებელი შენობა, რომელთაგან ერთი სრულიად განადგურებულია.
რუსეთი უკრაინის რეგიონებს ავიაციითა და არტილერიით ყოველდღიურად ბომბავს.
