ასობით ათასი ადამიანი კვლავაც იბრძვის [საქართველოს] ქუჩებში. მალე, 200 დღე გახდება. ცივი ზამთრის განმავლობაში, ისინი საქართველოს ევროპული მომავლისთვის ქუჩაში იბრძოდნენ და ევროპულ დროშებს აფრიალებდნენ. ხანდახან ვფიქრობ, რომ ეს ადამიანები უფრო პროევროპულები არიან ვიდრე მრავალი ევროპელი თავად.
[ქართული არასამთავრობო ორგანიზაციების წარმომადგენლებთან] შეხვედრები დროს რამდენჯერმე გაჟღერდა ლუკაშენკოს რეჟიმი, ვინაიდან თანდათანობით ვუახლოვდებით იმას, რაც ბელარუსში საბოლოოდ მოხდა. ნაბიჯ-ნაბიჯ [საქართველო] იმავე მიმართულებით მიდის. მრავალი ადამიანი ამბობდა, რომ საჭიროა რეჟიმის სანქცირება. სანქციები მუშაობს. არ არის მართალი, რომ სანქციები უფუნქციოა. პირიქით, ძალიან მნიშვნელოვანია.
[ევროპარლამენტის] ბოლო რეზოლუციაში ჩვენ ვახსენეთ [სანქცირებულ პირთა] სახელები. ძალიან მნიშვნელოვანია, რომ ბევრმა ადამიანმა იცოდეს ეს. ვფიქრობ, რაც შეიძლება მალე უნდა მოვუწოდოთ წევრ სახელმწიფოებს სანქციების დაწესებისკენ, განსაკუთრებით მათზე, ვინც რეპრესიებზეა პასუხისმგებელი. [...]
ის "ჯოხები და სტაფილოები", რომელსაც ევროპული კომისია ამ რეჟიმისთვის მოითხოვს, არ მუშაობს და ვერ იმუშავებს. მხოლოდ ახალი და სამართლიანი არჩევნები, სანქციები და სამოქალაქო საზოგადოების მხარდაჭერა [იმუშავებს].
