ვლადიმირ პუტინმა საშემოდგომო სამხედრო გაწვევის ბრძანებას ხელი მოაწერა. სამხედრო სამსახურში წინასწარი მონაცემებით 133 000 ადამიანს გაიწვევენ.
გაწვევა 18-დან 30 წლამდე რუსეთის მოქალაქეებს შეეხებათ. პარალელურად რეზერვში გადავლენ ჯარისკაცები, მეზღვაურები, სერჟანტები და ოცმეთაურები, რომელთაც გაწვევის ვადა ამოეწურათ.
გაწვევა 1 ოქტომბერს დაიწყება და მიმდინარე წლის 31 დეკემბერს დასრულდება.
რუსეთის თავდაცვის სამინისტროს სამობილიზაციო განყოფილების უფროსის, ვლადიმირ ციმლიანსკის თქმით, მოქალაქეები ქაღალდზე დაბეჭდილ გაწვევის ოქმებს მისამართებზე მიიღებენ. გარდა ამისა, 3 ოლქში (რიაზანი, მარია ელი, სახალინი) გამოცდიან ელექტრონული გაწვევის სისტემას.
ბოლოჯერ რუსეთში გაწვევა 2024 წლის გაზაფხულზე იყო. სამხედრო სამსახურში გაიწვიეს 150 000-მდე ადამიანი.
