მექსიკის სამაშველო სამსახურმა თურქეთისგან ახალი მაძებარი ლეკვი საჩუქრად მიიღო, რადგან მექსიკელი მაშველი ძაღლი თებერვლის მიწისძვრის შედეგად გადარჩენილთა პოვნაში დახმარებისას დაიღუპა.
3 თვის გერმანული ნაგაზი შეუერთდება მექსიკის ცნობილ ძაღლების განყოფილებას, რომელიც სპეციალიზებულია გადარჩენილების პოვნაში მიწისძვრებისა და სხვა სტიქიური უბედურებებისას.
შავ და კრემისფერ ძაღლს, რომელსაც დიდი ზომის ყურები და თათები აქვს, Arkadas-ი დაარქვეს, რაც თურქულად "მეგობარს" ნიშნავს.
არკადას გაწვრთნის იგივე ტრენერი, რომელიც პროტეოზე ზრუნავდა - იმ მაშველ ძაღლზე, რომელიც მისიის დროს მოკვდა.
7.8 მაგნიტუდის მიწისძვრის შემდეგ მექსიკამ თურქეთში მაშველი ძაღლები გააგზავნა. შეგახსენებთ, რომ მიწისძვრა სირიის საზღვართან მოხდა და მას 54 000 ადამიანი ემსხვერპლა.