კობახიძე: პირველი ხელისუფლება ვართ, რომლის დროსაც რუსეთს ტერიტორიული წინსვლა არ ჰქონია

არავითარი რუსების საქართველოში უკონტროლო შემოდინება არ ხდება. ყველაფერი კონტროლის ქვეშ არის. მთელი ბოლო 10 წლის განმავლობაში ეს ასე იყო. რამდენიმე წლის წინ რუსების რაოდენობა საქართველოში სამჯერ მეტი იყო, ვიდრე ახლა, თუმცა, ისიც კონტროლდებოდა  [...] ზოგადად, რა თქმა უნდა, რუსეთისგან ქვეყანას საფრთხეები აქვს. 10 წელია იმით ვართ დაკავებული, რომ ქვეყანა ზოგადად საგარეო და, მათ შორის, რუსეთისგან მომდინარე საფრთხეებისგან დავიცვათ. წინა ხელისუფლებებისგან განსხვავებით, ჩვენ ამას ვახერხებთ. ყველა წინა ხელისუფლებას ჰქონდა ომი. ჩვენ ვართ პირველი ხელისუფლება, რომელსაც არცერთხელ არ ჰქონია ომი და რომლის პირობებშიც რუსეთს არ ჰქონია ტერიტორიული წინსვლა. რატომ? იმიტომ, რომ ყველაფერს ყურადღებით ვაკვირდებით და ვეცნობით. აგრეთვე, გვაქვს სახელმწიფოებრივი და პრაგმატული პოლიტიკა და ეს ყველაფერი ამის შედეგია.