კობახიძე 5 ივლისზე: სამწუხაროდ, სახელმწიფოს ყოველწლიურად ექნება ეს პრობლემა და გამოწვევა

მომავალშიც რომ გავიხედოთ, სამწუხაროდ, ჩვენ ყოველ წელს გველოდება ეს გამოწვევა. ყოველწლიურად გველოდება გამოწვევა, რასაც ჰქვია ის, რომ არის ადამიანების ჯგუფი, რომელსაც სურს კონკრეტული ღონისძიების ჩატარება და მათი კონსტიტუციური უფლებაა ეს, მაგრამ არის საზოგადოების მეორე ნაწილი და ისინი ორგანიზდებიან ხოლმე საკმაოდ დიდი რაოდენობით, რომლებსაც ამის დაშვება არ სურთ. ანუ საზოგადოების კონკრეტულ წარმომადგენლებს შორის არის დაპირისპირება, რაც ყოველწლიურად არის გამოწვევა და პრობლემა სახელმწიფოსთვის. დეტალებში არ შევალ, ჩემთვის რაღაც მისაღებია, მიუღებელია, თუ რა არის, მაგრამ რაც შეეხება სახელმწიფოს, მას, სამწუხაროდ, ყოველწლიურად ექნება ეს გამოწვევა. როგორც კი იქნება მსვლელობა, იქნება მეორე მხრიდან დაპირისპირება.