ევროპული საქართველოს თავმჯდომარის, გიგა ბოკერიას თქმით, კრისტიან დანიელსონის მედიაციით შემდგარ დოკუმენტს ხელს არც ახლა მოაწერენ, რადგან მასში ვადამდელი არჩევნების შესახებ საკითხი არ არის, ხოლო პოლიტპატიმრების საკითხი ბუნდოვანია.
"[დოკუმენტს], რომლიც ვადამდელ არჩევნებს არ შეიცავს და პოლიტპატიმრების საკითხი ბუნდოვანია, რა თქმა უნდა [ხელს არ მოვაწერთ]". – თქვა ბოკერიამ პალიტრანიუსის ეთერში.
გიგა ბოკერიას თქმით, პარლამენტის თავმჯდომარის, არჩილ თალაკავაძის სიტყვები თვითმმართველობის არჩევნებზე 40%-იანი მხარდაჭერის პრინციპი გაუგებარი, ბუნდოვანი და არალოგიკურია.
"ამ წნეხის ქვეშ ოცნებამ უკან დაიხია, მაგრამ, რა თქმა უნდა, არასაკმარისად. პრეზიდენტ მიშელის დოკუმენტიდან 3 პუნქტზე რომ შეჯერდა პოზიციები, ეგ გასაგებია, მაგრამ არის 2 პუნქტი, რომლებზეც ჯერ შეჯერებული არ არის. ეს არის პოლიტპატიმრების გათავისუფლება. ჩვენ უნდა ვნახოთ, რომ ისინი არიან თავისუფლები და პოლიტიკური დევნა შეწყდა, ამაზე არაფერი უთქვამს და ბუნდოვანი იყო ბატონი თალაკვაძე. ვადამდელ არჩევნებზე. აქ უნდა დავუშვათ პირველად შესაძლებლობა, რომ ვადამდელ არჩევნებზე უნდა შევთანხმდეთ, ოღონდ გაუგებარი, ბუნდოვანი და აბსოლუტურად არალოგიკური ტექსტი ახსენა 40%-ის აღების მმართველი პარტიის მხრიდან". – თქვა ბოკერიამ.
პარლამენტის თავმჯდომარის, არჩილ თალაკვაძის თქმით, ქართული ოცნება მზად არის, 2021 წლის თვითმმართველობის არჩევნებში მხარდაჭერის 40%-იანი პრინციპი აამოქმედოს.
არჩილ თალაკვაძემ ასევე თქვა, რომ ქართული ოცნება შარლ მიშელის ეგიდით შექმნილ დოკუმენტს ხელს ცალმხრივად აწერს.
- რა წერია ევროკავშირის შეთანხმების პროექტში, რომელსაც ხელი არ მოეწერა
- ყველაფერი მოლაპარაკებების ბოლო რაუნდზე
საქართველოში 31 ოქტომბრის არჩევნების შემდეგ პოლიტიკური კრიზისია. ოპოზიციური პარტიების უმრავლესობა არჩევნების შედეგებს ლეგიტიმურად არ ცნობს და პარლამენტისთვის ბოიკოტი აქვს გამოცხადებული. ვითარება განსაკუთრებულად გაამწვავა ერთიანი ნაციონალური მოძრაობის თავმჯდომარის, ნიკა მელიას დაკავებამ, რასაც საერთაშორისო პარტნიორების მხრიდან ხელისუფლებისადმი მწვავე მოწოდებები მოჰყვა.
