ოფიციალური მონაცემებით, რუსეთში ახალ კორონავირუსს 5 971 ადამიანის სიცოცხლე ემსხვერპლა. ეპიდემიის გავრცელებიდან დღემდე ვირუსული ინფექცია 476 658 ადამიანს დაუდასტურდა.
გასულ 24 საათში ახალი კორონავირუსი 8 985 პირს დაუდგინდა, ხოლო 112 პაციენტი გარდაიცვალა. კორონავირუსისგან გამოჯანმრთელდა 230 688 პირი, თუმცა ქვეყანაში 240 ათასამდე აქტიური შემთხვევა კვლავ რჩება, აქედან კი 3 000-მდე პაციენტის მდგომარეობა კრიტიკულია.
მიუხედავად ქვეყანაში არსებული ეპიდსიტუაციისა, ადგილობრივი მედიის ცნობით, რუსეთი 15 ივლისიდან საერთაშორისო ფრენების აღდგენას აპირებს.