აშშ-ს პრეზიდენტი დონალდ ტრამპი და პირველი ლედი მელანია ტრამპი გაერთიანებულ სამეფოში სახელმწიფო ვიზიტის პირველ დღეს დედოფალს ელიზაბეტ მეორეს ხვდებიან. წყვილი ბუკინგემის სასახლეში მისაღებ ცერემონიაზე იმყოფება.
თვითმფრინავის დაშვებამდე რამდენიმე წუთით ადრე, ტრამპმა გააკრიტიკა ლონდონის მერი სადიქ ხანი, რომელსაც წარსულშიც დაპირისპირებია.
მას შემდეგ, რაც სადიქ ხანმა თქვა, რომ ტრამპის ვიზიტისას წითელი ხალიჩა არ უნდა გაეშალათ, ტრამპმა Twitter-ზე დაწერა, რომ "სადიქ ხანი საშინელი მერია და საძაგლობები თქვა აშშ-ს პრეზიდენტზე, რომელიც ამ დროისთვის გაერთიანებული სამეფოს ყველაზე მნიშვნელოვანი მხარდამჭერია. ის სრული ლუზერია და ლონდონის დანაშაულს უნდა მიაქციოს ყურადღება და არა მე..."
გაერთიანებული სამეფოს მასშტაბით სამდღიანი ვიზიტის განმავლობაში რამდენიმე ქალაქში საპროტესტო აქციებია დაგეგმილი, მათ შორის ლონდონში, მანჩესტერში, ბელფასტში და ბირმინგემში.
საუბარი ტრამპსა და გადამდგარ პრემიერ მინისტრ ტერეზა მეის შორის სამშაბათს დაიწყება, ისინი კლიმატის ცვლილების და ჩინური ტექნოლოგიური კომპანიის Huawei-ს შესახებ იმსჯელებენ.
ლანჩის შემდეგ წყვილი ვესტმინსტერის სააბატოს დაათვალიერებს და შეუერთდება პრინც ჩარლზს და სასექსის ჰერცოგინიას ჩაის დასალევად კლარენს ჰაუსში.
მოგვიანებით, დედოფალი გამართავს სახსელმწიფო ბანკეტს ბუკინგემის სასახლეში, რომელსაც დაესწრება კემბრიჯის ჰერცოგი და ჰერცოგინია. ამ ცერემონიას არ დაეწრება სასექსის ჰერცოგინია ერთი თვის ახალშობილის გამო. ტრამპმა უარყოფს, რომ წარსულში სასექსის ჰერცოგინიას საძაგელი უწოდა, თუმცა არსებობს ამის დამადასტურებელი აუდიო-ჩანაწერი.
გაერთიანებული სამეფოს მიწაზე დაშვების შემდეგ ტრამპს დახვდა აშშ-ს ელჩი გაერთიანებულ სამეფოში, ვუდი ჯონსონი და საგარეო სახელმწიფო მდივანი ჯერემი ჰანტი.
მიუხედავად იმისა, რომ ტრამპს უთქვამს, რომ აღტაცებულია ტერეზა მეით, მოსალოდნელია, რომ მათ აზრთა სხვადასხვაობა ჰქონდეთ. პრემიერ მინისტრი წინ წამოწევს კლიმატის ცვლილების საკითხს. სახელმწიფო მდივანმა ცოტა ხნის წინ განაცხადა, რომ გაერთიანებული სამეფო "იმედგაცრუებულია აშშ-ს გადაწყვეტილებით, გამოვიდეს პარიზის 2017 წლის შეთანხმებიდან." ისინი ასევე იმსჯელებენ Huawei-ს შესახებ. აშშ-ს ეს კომპანია უსაფრთხოების მიზნებით შავ სიაში შეიტანა.
ვიზიტამდე ტრამპმა The Sun-თან ინტერვიუში განაცხადა, რომ ის მხარს უწერს კონსერვატიული პარტიის კანდიდატს, ბორის ჯონსონს, რათა გახდეს გაერთიანებული სამეფოს ახალი პრემიერ-მინისტრი. მან ასევე უთხრა Sunday Times-ს, რომ ბრექსიტის კამპანიის ლიდერი, ნაიჯელ ფარაჯი უნდა იყოს ჩართული მთავრობის მოლაპარაკებებში ევროკავშირის დატოვების შესახებ.
ბუკინგემის სასახლეში ორშაბათს საღამოს ორივე, პრეზიდენტი და დედოფალი დამსწრეების წინაშე სიტყვით გამოვა, დამსწრეებში იქნებიან გამოჩენილი ამერიკელები, რომლებიც ბრიტანეთში ცხოვრობენ. ლეიბორისტული პარტიის ლიდერი ჯერემი კორბინი, ლიბერალ დემოკრატების ლიდერი სერ ვინს ქეიბლი და თემთა პალატის სპიკერი ჯონ ბერქოუ ბოიკოტს უცხადებს სახელმწიფო ბანკეტს.
ტრამპის შვილი, ივანკა პრეზიდენტამდე ჩავიდა. კვირას მან დაპოსტა ფოტო ვიქტორიას და ალბერტის მუზეუმიდან დასავლეთ ლონდონში, სადაც ის კრისტიან დიორის გამოფენას ეწვია.
