ისლამისტური დაჯგუფება ალ შაბაბის კენიის გარისას უნივერსიტეტზე თავდასხმის შედეგად, ბოლო მონაცემებით, 147 ადამიანი დაიღუპა. დაშავდა 79 ადამიანი.
რამდენიმე ტერორისტი საუნივერსიტეტო ქალაქში შეიჭრა და იქ 800-ზე მეტი სტუდენტი მძევლად აიყვანა. თვითმხილველების თქმით, ტერორისტები ქრისტიან სტუდენტებს ადგილზე კლავდნენ.
სპეცდანიშნულების რაზმმა უნივერსიტეტის შტურმი დაიწყო, რომლის შედეგად ყველა ტერორისტი განადგურდა. ხელისუფლების განცხადებით, 500-ზე მეტი სტუდენტის გადარჩენა მოხერხდა.
გარისას უნივერსიტეტი სომალის საზღვრიდან 150 კილომეტრში მდებარეობს.
სომალიში მოქმედი დაჯგუფება ალ-შაბაბი მიზნად ქვეყანაში შარიათის დამყარებას ისახავს და კენიის ხელისუფლებისგან სომალიდან ჯარების გაყვანას მოითხოვს. 2013 წელს სექტემბერში დაჯგუფებამ კენიის დედაქალაქში, სავაჭრო ცენტრზე თავდასხმა მოაწყო, რასაც მაშინ 67 ადამიანის სიცოცხლე შეეწირა.