უკრაინის პრეზიდენტმა ვოლოდიმირ ზელენსკიმ თქვა, რომ 20 ივლისს "საკვანძო მოლაპარაკებებს" გამართავს. ამის შესახებ მან სამხედრო მეთაურებთან შეხვედრის შემდეგ ისაუბრა.
ზელენსკის თქმით, მან ისაუბრა გამოცდილ უკრაინელ სამხედრო მეთაურებთან, მათ შორის გაერთიანებული ძალების სარდალ მიხაილო დრაპატისთან, გენერალური შტაბის უფროსის მოადგილე ვოლოდიმირ გორბატიუკთან და საჰაერო-სადესანტო ძალების სარდალ ოლეჰ აპოსტოლთან.
პრეზიდენტის თქმით, შეხვედრაზე ფრონტის სხვადასხვა მიმართულებაზე არსებული ვითარება და ომის საერთო მიმდინარეობა განიხილეს.
"მნიშვნელოვანია, შევაფასოთ ჩვენი შემდგომი სტრატეგია, აქტიური მოქმედებები და ის, თუ როგორ უნდა ვაიძულოთ რუსეთი, ეს ომი უკრაინისთვის ღირსეული მშვიდობითა და უსაფრთხოების გარანტიებით დაასრულოს. ეს სხვადასხვა კომპონენტს მოიცავს და მსურს, მოვისმინო, როგორ ხედავენ ამას ჩვენი თავდაცვისა და უსაფრთხოების ძალების მეთაურები და სარდლები." - თქვა ზელენსკიმ.
მისივე თქმით, უკრაინამ საკუთარ მიზნებს უნდა მიაღწიოს და "ეს ასეც მოხდება".
ასევე ზელენსკიმ, თავდაცვის ყოფილ მინისტრ მიხაილო ფედოროვსა და უკრაინის შეიარაღებული ძალების მთავარსარდალ ოლექსანდრ სირსკისთან გამართული შეხვედრების შემდეგ, აღნიშნა "არმიასთან დაკავშირებული გადაწყვეტილებები" მომზადდებოდა.
16-18 ივლისს კიევსა და უკრაინის სხვა ქალაქებში გაიმართა აქციები, რომელთა მონაწილეებიც მიხაილო ფედოროვის თავდაცვის მინისტრის პოსტზე დაბრუნებას და მთავარსარდალ ოლექსანდრ სირსკის გადადგომას მოითხოვდნენ.
17 ივლისს ზელენსკიმ საბრძოლო მეთაურების მოხსენებები მოისმინა და თავდაცვის მინისტრის შეცვლის გადაწყვეტილების ფონზე მთავარსარდლის სპეციალური შტაბის შექმნა დააანონსა. 18 ივლისს პრეზიდენტმა ზედიზედ მეორე დღე გამართა შეხვედრები იმ კორპუსების მეთაურებთან, რომლებიც ფრონტის ყველაზე ინტენსიურ მონაკვეთებზე მოქმედებენ. 19 ივლისს კი იგი მიხაილო დრაპატის, ვოლოდიმირ გორბატიუკისა და ოლეგ აპოსტოლის მონაწილეობით მორიგ შეხვედრას დაესწრო.
