რუსეთის რიაზანის ოლქში, სამხედრო ქარხანაში აფეთქებისა და ხანძრის შედეგად, სულ მცირე, 11 ადამიანი დაიღუპა, 130 კი დაშავდა. ამის შესახებ ინფორმაციას რუსეთის საგანგებო სიტუაციების სამინისტრო ადასტურებს.
მომხდარის ადგილზე სამძებრო-სამაშველო სამუშაოები ამ დრომდე გრძელდება. მაშველებმა ნანგრევებიდან სამი ადამიანის ამოყვანა შეძლეს.
რიაზანის ოლქში 18 აგვისტო გლოვის დღედ გამოცხადდა.
გუშინ, რიაზანის ოლქში მდებარე დენთის მწარმოებელ ქარხანა Эластик-ში აფეთქება მოხდა, რამაც ქარხნის ტერიტორიაზე ძლიერი ხანძარი გამოიწვია.
2021 წლის ოქტომბერში ამავე ქარხანაში მომხდარ აფეთქებასა და ხანძარს 17 ადამიანი ემსხვერპლა.
