უკრაინაში, დონეცკის ოლქში რუსეთის მხრიდან საარტილერიო დარტყმების შედეგად, სულ მცირე, სამი ადამიანი დაიღუპა.
"გასულ ღამეს, აგრესორი სახელმწიფოს ჯარებმა საარტილერიო დარტყმები მიიტანეს პოკროვსკის რაიონზე. დარტყმების შედეგად დაღუპულია 76 და 78 წლის ცოლ-ქმარი. სიცოცხლესთან შეუთავსებელი დაზიანებები მიიღო ადგილობრივმა 47 წლის მცხოვრებმაც". - წერია დონეცკის ოლქის პროკურატურის განცხადებაში.
უკრაინული მედიის ცნობით, თავდასხმის დროს მშვიდობიანი მოქალაქეები საკუთარ სახლებში იმყოფებოდნენ. ამასთან, ჯერჯერობით უცნობია თუ რა ტიპის იარაღი გამოიყენეს რუსმა სამხედროებმა თავდასხმის დროს.
