ბრიტანეთის საგარეო საქმეთა მინისტრის, დევიდ ლემის თქმით, ევროპამ რუსული აქტივების გაყინვიდან მათ კონფისკაციაზე უნდა გადაინაცვლოს.
"ევროპამ სწრაფად უნდა იმოქმედოს, და მე მჯერა, რომ გაყინვიდან კონფისკაციაზე უნდა გადავიდეთ" -თქვა დევიდ ლემიმ ბრიტანეთის პარლამენტში.
ბრიტანეთის პარლამენტში დასმულ კითხვაზე, მოიწონებდა თუ არა საგანგებო კანონმდებლობას, რომელიც უკრაინის მხარდასაჭერად ამ აქტივების კონფისკაციასა და გადამისამართებას ითვალისწინებს, ლემიმ აღნიშნა, რომ ევროპამ ერთობლივად უნდა იმოქმედოს:
"ეს არ არის საკითხი, რომელზეც რომელიმე მთავრობას დამოუკიდებლად შეუძლია მოქმედება. ჩვენ უნდა ვიმოქმედოთ ევროპელ მოკავშირეებთან ერთად" – აღნიშნა ლემიმ.
თუმცა, მან არ განუმარტავს ზუსტად როგორ სურს ამ აქტივების მართვა.
2022 წლის თებერვალში რუსეთის უკრაინაში სრულმასშტაბიანი შეჭრის შემდეგ, დიდი შვიდეულის ქვეყნებმა $300 მილიარდის ღირებულების რუსული ფინანსური აქტივები გაყინეს.
