ბოლო ცნობებით, ფილადელფიაში გუშინ, 31 იანვარს ჩამოვარდნილი თვითმფრინავი სამედიცინო-საევაკუაციო ტიპის იყო და ბორტზე 6 ადამიანი იმყოფებოდა.
6 ადამიანს შორის იყო არასრულწლოვანი გოგო, პედიატრიული პაციენტი, რომელიც სიცოცხლისთვის საშიში დაავადების მკურნალობის შემდეგ აშშ-დან მექსიკაში ბრუნდებოდა. ჯერჯერობით კვლავ უცნობია, გადარჩა თუ არა ვინმე ბორტზე მყოფთაგან.
დიდი ალბათობით, მომხდარს ბორტზე მყოფი ყველა პირი ემსხვერპლა.
თვითმფრინავი ადგილობრივი დროით დაახლოებით 18:30 საათზე ჩამოვარდა და მიწასთან შეჯახებიდან მალევე აფეთქდა, რის გამოც რამდენიმე ახლომდებარე სახლს ცეცხლი გაუჩნდა.
აფეთქების შედეგად დაშავდა ჩამოვარდნის ადგილთან ახლოს მყოფი 6 ადამიანი. მათგან 3 გადაუდებელი სამედიცინო დახმარებისთვის საავადმყოფოში გადაიყვანეს.
კვლავ უცნობი რჩება მიზეზი, რამაც თვითმფრინავის ჩამოვარდნა გამოიწვია.
სოციალურ მედიაში ვრცელდება თვითმფრინავის ჩამოვარდნისა და აფეთქების კადრებიც.
