ჰერჩინსკი: ევროკავშირი არის ისტორიაში ყველაზე წარმატებული სამშვიდობო პროექტი

ევროკავშირი არის ისტორიაში ყველაზე წარმატებული სამშვიდობო პროექტი. ჩვენ მხარს ვუჭერთ მშვიდობას, სტაბილურობას, განვითარებასა და კეთილდღეობას. გადავწყვიტეთ, საქართველოსთვის კარი გაგვეღო, გვსურს, რომ საქართველო ამ ოჯახის წევრი იყოს და გვინდა, რომ საქართველოსთან ერთად ჩვენი კოლექტიური მომავლის შესახებ გადაწყვეტილებები მივიღოთ. ახლა კი ქართველების ჯერია, გადაწყვიტონ, სურთ თუ არა, რომ შემოგვიერთდნენ და ევროკავშირის წევრები გახდნენ. გულწრფელად ვიმედოვნებ, რომ ქართველები ამ შესაძლებლობას ხელიდან არ გაუშვებენ.

თქვა საქართველოში ევროკავშირის ელჩმა, პაველ ჰერჩინსკიმ ბიძინა ივანიშვილის მიერ ინტერვიუში გამოთქმული ბრალდების საპასუხოდ, რომ დასავლეთს საქართველოს რუსეთთან ომში ჩართვა სურდა.

ივანიშვილმა ჟურნალისტ მაგდა ანიკაშვილისთვის მიცემულ ინტერვიუში თქვა, რომ ყოფილ პრემიერს, ირაკლი ღარიბაშვილს "ერთი ქვეყნის მაღალი თანამდებობის პირმა" ომში ჩართვისკენ და შემდგომ პარტიზანული ომის წარმოებისკენ მოუწოდა.