ქართული ოცნების დეპუტატი შალვა პაპუაშვილი პლატფორმა X-ზე განცხადებას აქვეყნებს, რომლითაც ის მოძრაობა სირცხვილიას საჯარო რეესტრში უცხოური ძალის ინტერესების გამტარებელ ორგანიზაციად დარეგისტრირებასთან დაკავშირებულ განცხადებას და საზოგადოების მხრიდან წამოსული პროტესტის შემდეგ ამ გადაწყვეტილების გაუქმებას ეხმაურება:
"გასულ შაბათ-კვირას, ქართულმა "სამოქალაქო საზოგადოებამ", იგივე უცხოური დაფინანსებით დაფინანსებულმა NGO-ებმა, აბუჩად აიგდეს საკუთარი, ე.წ. სირცხვილის მოძრაობა. ამ კონკრეტულმა არასამთავრობო ორგანიზაციამ გადაწყვიტა თავისი დაფინანსების დეკლარაცია გაესაჯაროებინა, როგორც ამას ახლახან მიღებული გამჭვირვალობის კანონი ითვალისწინებდა, მაგრამ ფართო ვირტუალური ბულინგის შემდეგ, სირცხვილიამ გადაწყვეტილება შეცვალა და დირექტორიც კი გაათავისუფლა.
ეს მართლაც სამარცხვინო ეპიზოდი ავლენს გონების დახურვის, კონფორმიზმისა და სიძულვილის მასშტაბებს უცხოური დაფინანსებით დაფინანსებულ NGO-ებს შორის.
მოდით, საქმეზე გადავიდეთ: ხელოვნური სამოქალაქო საზოგადოების შექმნით, ამერიკელმა და ევროპელმა დონორებმა საქართველოში შექმნეს ფრანკენშტაინის ურჩხული, რომელიც უპირობოდ ესხმოდა თავს სახელმწიფოს, ახლა კი დაიწყო საკუთარი წრის კანიბალიზაცია. ეს არის არასასურველი შედეგი იმისა, რომ შეიქმნა სამოქალაქო საზოგადოება, რომელიც არ არის ანგარიშვალდებული საკუთარი ხალხის წინაშე, სახელმწიფო ინსტიტუტებისგან განსხვავებით". - ვკითხულობთ განცხადებაში.
"სამწუხაროდ, დონორთა საზოგადოება, როგორც ჩანს, მძევლად ჰყავს საკუთარ ბენეფიციარებს, რომლებმაც შექმნეს კლანი (მათი საყვარელი ტერმინი), რათა იმანიპულირონ. მოლოდინსა და რეალობას, განზრახვებსა და შედეგებს, პრინციპებსა და მანიპულირებას შორის ამ შეუსაბამობამ მხოლოდ ქართული, უცხოური დაფინანსებით დაფინანსებული NGO-ების რადიკალიზმის გაძლიერება გამოიწვია, რამაც ისინი ძალიან დაამსგავსა ჩვენს უბედურ ოპოზიციურ პარტიებს". - წერს პაპუაშვილი.
