ამერიკის შეერთებული შტატების 39-ე პრეზიდენტის ჯიმი კარტერის მეუღლე, აშშ-ს 41-ე პირველი ლედი როზალინ კარტერი დღეს, 19 ნოემბერს, 96 წლის ასაკში გარდაიცვალა.
ინფორმაციას ჯიმი და როზალინ კარტერების მიერ დაარსებული არასამთავრობო ორგანიზაცია "კარტერის ცენტრი" ავრცელებს.
17 ნოემბერს გავრცელდა ცნობა, რომ როზალინ კარტერი ჯორჯიის ქალაქ პლეინსის ჰოსპისში გადაიყვანეს. კარტერის ცენტრმა მაისში განაცხადა, რომ ჯიმი კარტერის მეუღლეს დემენცია აქვს.
აშშ-ს 39-ე პრეზიდენტი ჯიმი კარტერი, რომელიც 99 წლისაა, სხვადასხვა ჯანმრთელობის პრობლემის გამო ჰოსპისში თებერვლიდან იმყოფება. იგი აშშ-ს პრეზიდენტების ისტორიაში ყველაზე დიდხანს მცხოვრები პრეზიდენტია.
