უკრაინის თავდაცვის მინისტრის მოადგილე, ანა მალიარი ამბობს, რომ ბახმუტში კერძო სამხედრო კომპანია ვაგნერის ზოგიერთი წევრი ჯერ კიდევ რჩება.
"ვითარება ქალაქ ბახმუტში შედარებით სტაბილურია. ჩვენ ვაკონტროლებთ ქალაქის სამხრეთ-დასავლეთ გარეუბნებს. ვაგნერის ჯგუფის ყველა მებრძოლს ქალაქი არ დაუტოვებია. ისინი, ვინც დარჩნენ, [რუსეთის] არმიის ახლად ჩამოსულ მებრძოლებს წვრთნიან". - თქვა მალაირმა.
მალიარის თქმით, ფრონტზე საერთო მდგომარეობა გარკვეულწილად, თუმცა უმნიშვნელოდ, მაინც იცვლება.
მალიარის განმარტებით, ბოლო რამდენიმე თვის განმავლობაში რუსული ძალები აღმოსავლეთ უკრაინის ოთხ ფრონტზე მიიწევდნენ: ავდიივკში, მარინკში, ლიმანსა და ბახმუტში. შემდეგ კი მათ დაიწყეს აქტიურობა ორ დამატებით ფრონტზე: შახტარსკში და კუპიანსკში.
გარდა ამისა, მალიარმა აღნიშნა, რომ რუსეთის შეტევითი ოპერაციების გეოგრაფია ბოლო თვეებთან შედარებით "გარკვეული აზრით განსხვავებულია".