კალაძე: პოლარიზაციის დასრულება შეუძლებელია ცალმხრივად, ოპოზიციას დიდი პასუხისმგებლობა აქვს

პოლარიზაციის დასრულება შეუძლებელია ცალმხრივად. შესაბამისად, ოპოზიციას აქვს ძალიან დიდი პასუხისმგებლობა ამ მიმართულებით. თუმცა, არ ვიცი, ისინი რამდენად გაითვალისწინებენ და გაითავისებენ ამ მოთხოვნებს. იმის ილუზია ნამდვილად არ მაქვს, რომ ხვალ-ზეგ ოპოზიცია იქნება კონსტრუქციული. ცხადია, ყველაზე არ არის საუბარი, მაგრამ მგონია, რომ დიდი ნაწილი არ შეუერთდება დეპოლარიზაციის მოთხოვნას, რაც ჩვენი ევროპელი მეგობრების მხრიდან იყო გაცხადებული და პირველ პუნქტად არის ჩაწერილი. ხელისუფლებას აქვს მზადყოფნა, რომ ამ მიმართულებით გადაიდგას კონკრეტული ნაბიჯები, მეორე მხრიდან ვხედავთ, რომ გრძელდება დესტრუქცია, თუმცა, ამ ყველაფრის მიუხედავად, ხელისუფლებას აქვს ძალიან დიდი პასუხისმგებლობა ქართველი ხალხის წინაშე და ყველაფერს გავაკეთებთ, რათა ხელი არ შეეშალოს ქვეყნის აღმშენებლობას.