რუსული პროპაგანდისტული მედიის ინფორმაციით, თავდაცვის მინისტრმა სერგეი შოიგუმ პრეზიდენტ ვლადიმირ პუტინს შეატყობინა, რომ ე.წ. ლუგანსკის სახალხო რესპუბლიკა სრულად გათავისუფლებულია.
"დღეს, 2022 წლის 3 ივლისს, რუსეთის ფედერაციის თავდაცვის მინისტრმა, არმიის გენერალმა ს.კ. შოიგუმ მოახსენა რუსეთის ფედერაციის შეიარაღებული ძალების უმაღლეს სარდალს ვ.ვ.პუტინს ლუგანსკის სახალხო რესპუბლიკის გათავისუფლების შესახებ".- ნათქვამია დეპარტამენტის პრესრელიზში.
უკრაინაში ომის დაწყებამდე, 21 თებერვალს რუსეთის ფედერაციის პრეზიდენტმა, ვლადიმირ პუტინმა აღიარა უკრაინის ოკუპირებული ტერიტორიების, ე.წ. დონეცკისა და ლუგანსკის სახალხო რესპუბლიკების დამოუკიდებლობა.