რუსეთის საგარეო საქმეთა სამინისტრომ ქვეყანაში შემოსვლა კიდევ 61 ამერიკელს აუკრძალა. სიაში მოხვდა სტრიმინგის სერვისის Netflix დამფუძნებელი, ბიზნესმენი რიდ ჰასტინგსი.
ჰასტინგსის გარდა სანქციები შეეხოთ სხვა ბიზნესის სფეროს წარმომადგენლებს, ნიუ-იორკის საფონდო ბირჟის თავმჯდომარეს, ჯეფრი სპრეჩერს, Nasdaq-ის ხელმძღვანელს, ადენა ფრიდმანს, კინოსტუდია Universal Pictures-ის პრეზიდენტს, პიტერ კრამერს.
განახლებულ სიაში მოხვდნენ ასევე მაღალჩინოსნები, მათ შორის აშშ-ს სახაზინო მდივანი, ჯანეტ იელენი, ენერგეტიკის მდივანი, ჯენიფერ გრენჰოლმი, პრეზიდენტის მრჩეველი მაიკლ დონილონი.
მაისში რუსეთის საგარეო საქმეთა სამინისტრომ აშშ-ს 932 მოქალაქეს, მათ შორის პრეზიდენტ ჯო ბაიდენს ქვეყანაში შესვლა აუკრძალა.