ომის პარტიის მოღალატეობრივი და ანტისახელმწიფოებრივი ქმედებებიდან გამომდინარე, მივიღეთ გადაწყვეტილება, რომ არ განვიხილოთ ომის პარტიის, ასევე მისი დანაყოფების არცერთი ინიციატივა. წარმოუდგენელია, შეხვიდე იმ ხალხის ინიცირებულ შინაარსის განხილვაში, რომლებიც ჰიბრიდულ, საინფორმაციო ომს ატარებენ საკუთარი ქვეყნის წინააღმდეგ. მათი მიზანია საქართველო ჩაითრიონ ომში, გაზარდონ სამომავლო რისკები, ან როგორც მინიმუმ, უკიდურესი, გამოუსწორებელი ზიანი მიაყენონ ქვეყნის იმიჯს, მის ეროვნულ და ეკონომიკურ ინტერესებს, ამით კი, რამენაირად ისარგებლონ. ამიტომ ჩვენ, მათ საგარეო პოლიტიკასთან დაკავშირებულ არცერთ ინიციატივას არ განვიხილავთ. ეს გადაწყვეტილება დღევანდელ სიტუაციაში სასიცოცხლოდ მნიშვნელოვანია საქართველოში მშვიდობის უზრუნველყოფის და ქვეყნის ეროვნული ინტერესებიდან გამომდინარე. ამისთვის ჩვენ ყველაფერს გავაკეთებთ.
ქართული ოცნება
მდინარაძე: საგარეო პოლიტიკაზე ომის პარტიის არცერთ ინიციატივას აღარ განვიხილავთ
