მიხეილ სააკაშვილი

სააკაშვილი: ენმ თავისი მილიონი მხარდამჭერით მძარცველთა ბოგინის გარდაუვალი დასასრულია

21 დეკემბერს ნიკა მელიას მიერ დაანონსებული აქცია ჩემთვის პიროვნულად ძალიან მნიშვნელოვანია. ახლა კონსოლიდაციით მრავალრიცხოვნება და გადამწყვეტი ნაბიჯები ქვეყნის და მათ შორის ჩემი სიცოცხლის გადასარჩენად ერთადერთი სწორი გზაა.

მე კარგად ვხედავ, რომ სუს-ი ცდილობს დანერგოს უნდობლობა და განხეთქილების ილუზია შექმნას. ნაციონალურ მოძრაობასა და ნიკა მელიაზე თავდასხმები მხოლოდ ივანიშვილისა და სუს-ისთვის სასარგებლო სამსახურია.

მათთვის ერთიანი ნაციონალური მოძრაობა თავისი 1 მილიონი მხარდამჭერით არის მძარცველთა ბანდის ბოგინის გარდაუვალი დასასრული. ამიტომ ყველას გთხოვთ, გავერთიანდეთ ლიდერშიპის გარშემო 21-ში და შემდგომ დღეებში და ასევე, დავდგეთ საერთო პლატფორმაზე ყველა სხვა, დიდ თუ პატარა ჯგუფთან და აქტიურ მოქალაქესთან ერთად.

ივანიშვილის ხრიკები ამჯერად ვერ იმუშავებს. ძალიან აქტიური და სიურპრიზებით აღსავსე დღეები და კვირები გველის წინ. წინანდალში ცოტა ნაადრევად მოუწიათ ბიჭებს ზეიმი!

საქართველოს ექსპრეზიდენტ მიხეილ სააკაშვილის მიმართვა FACEBOOK-ზე ვრცელდება. 21 დეკემბერს, სააკაშვილის დაბადების დღეზე მისი მხარდამჭერი აქცია გაიმართება.

კომენტარები