"რას აკეთებთ აქ, თუ ეს პარლამენტი არალეგიტიმურია?". – ჰკითხა მოქალაქეების ლიდერმა, ალეკო ელისაშვილმა პარლამენტში შესულ ენმ-ის წევრებს.
"ეს პარლამენტი ლეგიტიმურია დღეს თუ არ არის ლეგიტიმური? თუ ლეგიტიმური არ არის, აბა, რატომ ზიხართ, რატომ სხედხართ, 2 წუთს რატომ ითხოვთ კითხვის დასმისთვის, 1 წუთს კითხვის დაზუსტებისთვის, საერთოდ, რას აკეთებთ აქ, თუ ეს პარლამენტი არალეგიტიმურია?" –ჰკითხა მათ ალეკო ელისაშვილმა.
2 თებერვალს მსგავსი კითხვა ალეკო ელისაშვილს პარლამენტში თეა წულუკიანმა დაუსვა.
'თუ არჩევნები გაყალბდა, აქ რას აკეთებთ?!' – ჰკითხა ელისაშვილს წულუკიანმა.
ნაციონალური მოძრაობის წევრები პარლამენტში გუშინ, 8 ივნისს მივიდნენ. პარტიამ პარლამენტში შესვლის გადაწყვეტილება 30 მაისს მიიღო. თუმცა ენმ ხელს არ აწერს ევროკავშირის მედიაციით შემდგარ შეთანხმების დოკუმენტს.
