პაკისტანში, ბიჭთან ერთად გადაღებული და შემდეგ ინტერნეტში გავრცელებული ვიდეოს გამო, 16 და 18 წლის გოგოები მოკლეს.
BBC-ის ინფორმაციით, ვიდეოში, რომელიც დაახლოებით ერთი წლის წინ არის გადაღებული, ერთი ბიჭი და სამი გოგო ჩანან.
გამოცემა ასევე წერს, რომ საქმეზე დაკავებულია ორი ადამიანი. პოლიციის წარმომადგენლების თქმით, ერთი დაკავებული ერთერთი გოგოს ძმაა, მეორე კი კიდევ ერთი გოგოს მამა.
"ამ მომენტისთვის ჩვენი პრიორიტეტია მესამე გოგოსა და ბიჭის უსაფრთხოების დაცვა", - თქვა პოლიციამ.
გოგოები "ღირსების მკვლელობის" მოტივით მოკლეს. ასეთ დროს, ოჯახის წევრს იმისთვის კლავენ, რომ ნათესავების წინაშე "ღირსება აღიდგინონ".
Human Rights Watch-ის ინფორმაციით, პაკისტანში ერთი წლის განმავლობაში 1000-მდე "ღირსების მკვლელობა" ხდება.
