ექიმი აღდგომაზე: ლოცვა სახლშიც შეიძლება, არ ვარ ეკლესიის წინაღმდეგი, მაგრამ დიდი საფრთხეა

რესპუბლიკური საავადმყოფოს კლინიკური დირექტორი, დევი ტაბიძე, TV პირველის ეთერში ამბობს, რომ თავყრილობაზე "2000 ადამიანი იქნება, 1500 თუ 300", საკმარისი იქნება კორონავირუსული გენოციდის მოსაწყობად. კორონავირუსის შიდა გავრცელების და საგანგებო მდგომარეობის მიუხედავად, ეკლესიებში წირვა-ლოცვა ჩვეულებრივ გრძელდება და მრევლს კვლავაც ერთი კოვზით აზიარებენ. აღდგომის ღამეს ეკლესიებში წირვა მაინც აღევლინება. კომენდანტის საათის დასაცავად კი, მრევლი ეკლესიებში დილის ექვს საათამდე დარჩება. ამ შეთანხმებას მთავრობა ოქროს შუალედს უწოდებს.