84 წლის ამერიკელი მსახიობი დები რეინოლდსი შვილის, კერი ფიშერის, სიკვდილიდან მეორე დღეს გარდაიცვალა. ინფორმაცია მისმა შვილმა ტოდ ფიშერმა დაადასტურა.
BBC-ის ცნობით, რეინოლდსი საავადმყოფოში სავარაუდო გულის შეტევით გადაიყვანეს და, სამწუხაროდ, მისი გადარჩენა ვერ მოხერხდა.
ტოდ ფიშერის თქმით, კერი ფიშერის სიკვდილი რეინოლდსისთვის მეტისმეტი იყო და მისი ბოლო სიტყვებიც ამას უკავშირდებოდა -"მინდა ჩემს კერისთან ერთად ვიყო".
შეგახსენებთ, რომ Star Wars-ის ვარსკვლავი კერი ფიშერი გულის შეტევით სამშაბათს გარდაიცვალა.
