ირანის ისლამურ რესპუბლიკაში გამგზავრების მსურველი საქართველოს მოქალაქეებისათვის, უვიზო რეჟიმი, 5 აგვისტოდან 31 აგვისტოს ჩათვლით, დროებით შეჩერდება.
ამის შესახებ ინფორმაციას საქართველოს საგარეო საქმეთა სამინისტრო ავრცელებს.
უწყების განმარტებით, აღნიშნული შეზღუდვა ირანში მიუმხრობლობის მოძრაობის წევრი ქვეყნების მეთაურთა მე-16 სამიტის ჩატარებას და უსაფრთხოების განსაკუთრებული ზომებს უკავშირდება.
აღნიშნულ პერიოდში ირანში გამგზავრების მსურველმა საქართველოს მოქალაქეებმა ვიზის მისაღებად საქართველოში ირანის საელჩოს უნდა მიმართონ. 2012 წლის 1 სექტემბრიდან ქვეყნებს შორის უვიზო რეჟიმი კვლავ განახლდება.