გავრცელებული ცნობებით ორშაბათს, პოლიციამ მოსკოვში 300 -ამდე პირი დააკავა არჩევნების ფალსიფიკაციის წინააღმდეგ გამართული საპროტესტო აქციის შემდეგ. მონაწილეებს ხელში ეჭირათ პლაკატები წარწერით ”არჩევნები ფარსია!”. ბიბისი-ს ცნობით აქციაში დაახლოებით 7000 ადამიანი მონაწილეობდა, 2000 -ამდე პირმა ვერ შეძლო პოლიციის მიერ შემოსაზღვრულ ტერიტორიაზე შეღწევა და აქციას გარედან ადევნებდა თვალს.მიტინგზე შეკრებილებს მიმართეს ბორის ნემცოვმა, ვლადიმირ რიჟკოვმა, ილია იაშინმა და სხვებმა. აქციის მონაწილეები სკანდირებდნენ: ” პუტინო წადი,”, რუსეთის პუტინის გარეშე”. დაკავებულებს შორისაა ილია იაშინი და ცნობილი ბლოგერი ალექსეი ნავალნი. მსგავსი აქცია გაიმართა სანკტ-პეტერბურგშიც.გავრცელებული ინფორმაციით იქ 100-ზე მეტი ადამიანი დააკავეს. უფლებადამცველმა ორგანიზაციამ ” Amensty international” რუსეთის ხელისუფლებას მოუწოდა გაათავისუფლოს ორშაბათს, მშვიდობიან საპროტესტო გამოსვლებში მონაწილეები.
უცხოელი დამკვირვებლების შეფასებით, რუსეთში საპარლამენტო არჩევნებმა დარღვევებით ჩაიარა, შეინიშნებოდა მიკერძოება მმართველი პარტიის სასარგებლოდ. ეუთოს და ევროპის საბჭოს მეთვალყურეების განცხადებაში აღინიშნა, რომ დუმის არჩევნებზე შეზღუდული იყო პოლიტიკური კონკურენცია და არჩევნების პროცესი მოკლებული იყო სამართლიანობას. დუმის არჩევნების მიმდინარეობას მოსკოვში და სანკტ პეტერბურგში საპროტეტსო აქციები მოჰყვა.
