ივანიშვილის დეპუტატი, ლევან მაჭავარიანი 700 მილიონამდე დოლარის გათეთრების ფაქტს გამოეხმაურა.
"სახელმწიფოს დაუნდობელი ბრძოლა რომ აქვს გამოცხადებული ორგანიზებული დანაშაულის, კორუფციის, ნარკორეალიზატორების წინააღმდეგ, ამას ჩვენი მოქალაქეები საკუთარი თვალით ხედავენ [...]
ეს ძალიან დიდი, მსხვილი თანხაა და ყველა დეტალი ძალიან საინტერესოა. პროკურატურა ამ საქმეს მაქსიმალური ეფექტურობით გამოიძიებს". - თქვა მაჭავარიანმა.
ცნობისთვის, საქართველოს პროკურატურამ გამოავლინა 2022-2024 წლებში 624 მილიონი დოლარისა და 35 მილიონი ევროს უკანონო შემოსავლის ლეგალიზაციის ფაქტი და ფულის გათეთრების ბრალდებით დააკავა 1 პირი - თუმცა მისი ვინაობა განცხადებაში დასახელებული არ არის.
