ცაგერის მუნიციპალიტეტის ყოფილი მერი, ლევან ზალკალიანი იმერეთის გუბერნატორად დაინიშნა. ამის შესახებ ინფორმაციას მთავრობის ადმინისტრაცია ავრცელებს.
"იმერეთის ახალ სახელმწიფო რწმუნებულს დღეს პრემიერმინისტრი, ირაკლი კობახიძე შეხვდა. მან ზალკალიანს ახალ პოზიციაზე წარმატებები უსურვა". - წერია მთავრობის ადმინისტრაციის განცხადებაში.
ცაგერის მერის პოზიციიდან ზალკალიანის თანამდებობის დატოვების შესახებ ინფორმაცია დღეს, 27 აგვისტოს გახდა ცნობილი.
ზალკალიანი ცაგერის მუნიციპალიტეტის მერი 2023 წლის აპრილში გახდა.
