მიგრაციის საერთაშორისო ორგანიზაციის (IOM) ინფორმაციით, ლიბიის სანაპიროსთან საზღვაო კატასტროფის შედეგად 61 ადამიანი დაიღუპა, მათ შორის არიან ბავშვებიც.
გადარჩენილთა თქმით, გემზე 86 მიგრანტი იმყოფებოდა. IOM-ის თქმით, 25 გადარჩენილს ლიბიის დაკავების ცენტრში მკურნალობენ.
ევროპაში არალეგალურად შესვლის მსურველი მიგრანტებისთვის ლიბია ხმელთაშუა ზღვის გადასაკვეთად ერთ-ერთ მთავარ სამგზავრო წერტილს წარმოადგენს. ძირითადად, მიგრანტები პირველად იტალიაში ჩადიან და შემდეგ სხვა ქვეყნებში გადადიან.
IOM-ის მონაცემებით, 2023 წელს ამ გადასასვლელის გადაკვეთისას უკვე 2 210 ადამიანი დაიღუპა, რაც მას ასევე მიგრაციის ერთ-ერთ ყველაზე სახიფათო გზად აქცევს.
სააგენტოს ინფორმაციით, ამ წელს იტალიაში 153 126 არაკანონიერი მიგრანტი ჩავიდა.
