სამწუხაროდ, ზურაბიშვილის ხელში პრეზიდენტის ფუნქციები არის როგორც ასანთი პატარა ბავშვის ხელში და ჩვენც იძულებული ვართ, როგორც არასრულწლოვანს დაყვებიან და მის შეცდომებს ასწორებენ ხოლმე, ჩვენც ასე ვივლით, სანამ ეს ფუნქცია ფორმალურად ექნება ზურაბიშვილს და რამდენ ასეთ სისულელეს იტყვის, იმდენჯერ ვიტყვით, რომ ეს არის ნათქვამი იმ ე.წ. პრეზიდენტის მხრიდან, რომელსაც დაუდგინდა კონსტიტუციის დარღვევა, რომელიც აპირებს, დაიჭიროს სი ძინპინი. ზურაბიშვილმა გადაუსწრო რეალურად, გვარამიაც ჩამოიტოვა, მელიაც ჩამოიტოვა, სააკაშვილიც ჩამოიტოვა, ყველა ჩამოიტოვა. რეალურად, არის მედროშე, ოღონდ, მანამ, სანამ ფუნქციები აქვს. როგორც ცნობილ ქართულ ფილმში არის, ენა წინ გაურბის და გონება უკან რჩება, შესაბამისად, ასეთ პოლიტიკოსს არავინ არ მიიღებს. სანამ ფუნქციები ექნება, მანამდე, ჩვენ ვივლით და ვიტყვით, რომ არ დაუჯეროთ ხალხო, გასულია მომსახურების ზონიდან. ჰგონია, რომ მსოფლიო მმართველები, ვინც არიან, დგანან და დილიდან საღამომდე ფიქრობენ, ქალბატონი ზურაბიშვილი დღეს რას იტყვის, ასეთი განცდა აქვს მას. ეს რამ იცის? - ეს იცის ზედმეტმა ამბიციებმა, ეს იცის იმან, რომ დაგიჭერენ მხარს, მოგიყვანენ და დაგსვამენ, მერე გეგონოს, რომ შენ ნამდვილად გაიმარჯვე არჩევნებში.
გურამ მაჭარაშვილი
მაჭარაშვილი ზურაბიშვილზე: როგორც ქართულ ფილმშია, ენა წინ გაურბის და გონება უკან რჩება
