წინასწარი მონაცემებით, თურქეთის საპრეზიდენტო არჩევნების მეორე ტურში ქვეყნის მოქმედი პრეზიდენტი, რეჯეფ თაიფ ერდოღანი ლიდერობს.
ოპოზიციური სააგენტო ანკას მონაცემებით, დათვლილია ხმების 94% – რეჯეფ თაიფ ერდოღანს 51.39% აქვს, ქემალ ქილიჩდაროღლუს კი 48.61%.
სამთავრობო სააგენტო ანადოლუს მონაცემებით კი, დათვლილია ხმების 94% – რეჯეფ თაიფ ერდოღანს 52.5% აქვს, ქემალ ქილიჩდაროღლუს 47.5%.
პარალელურად, გამოქვეყნდა თურქეთის უზენასი საარჩევნო საბჭოს ოფიციალური მონაცემებიც. ხმების 54.6%-ის დათვლის შედეგად, ერდოღანი 54.47%-ით ლიდერობს, ქილიჩდაროღლუს კი 45.53% აქვს.
თურქეთში საპრეზიდენტო არჩევნების მეორე ტურზე ხმის მიცემის პროცესი ადგილობრივი დროით 17:00 საათზე დასრულდა და საარჩევნო უბნები დაიხურა.