თურქეთის პრეზიდენტის, რეჯეფ თაიფ ერდოღანის თქმით, შვედეთი NATO-ში გასაწევრიანებლად ჯერ მზად არ არის.
"ვიდრე შვედეთი ტერორისტული ორგანიზაციების ფილიალების წარმომადგენლებს უფლებას აძლევს, რომ შვედეთში და სტოკჰოლმის ქუჩებში თავისუფლად იარონ, ჩვენ არ შეგვიძლია, დადებითად შევაფასოთ შვედეთის NATO-ში გაწევრიანების საკითხი. ჩვენ არ ვართ მზად შვედეთისთვის ამ ეტაპზე, რადგან NATO-ს წევრ ქვეყანას უნდა ჰქონდეს ძლიერი პოზიცია, როდესაც საქმე ტერორიზმთან ბრძოლას ეხება". – თქვა ერდოღანმა.
გასული წლის 18 მაისს შვედეთის წარმომადგენლებმა NATO-ს გენერალურ მდივანს, იენს სტოლტენბერგს NATO-ში გაწევრიანების განაცხადები ოფიციალურად გადასცეს. შვედეთში NATO-ში გაწევრიანების შესახებ აქტიური საუბრები რუსეთის მიერ უკრაინაში შეჭრის შემდეგ დაიწყო.