აშშ-ს ამერიკის ყოფილმა პრეზიდენტმა, დონალდ ტრამპმა თავის მხარდამჭერებს სასამართლო პროცესის შემდეგ მიმართა. გუშინ, 4 აპრილს ტრამპი აშშ-ს პირველი პრეზიდენტი გახდა, რომელსაც ბრალი წაუყენეს.
ტრამპმა თქვა, რომ მის წინააღმდეგ აღძრული საქმე "ქვეყნის შეურაცხყოფაა".
"ერთადერთი დანაშაული, რაც ჩავიდინე, არის ჩვენი ქვეყნის უშიშრად დაცვა მათგან, ვინც მის განადგურებას ცდილობს. ეს ჩვენი ქვეყნის შეურაცხყოფაა". - თქვა მან.
სიტყვით გამოსვლისას მან კიდევ ერთხელ აღნიშნა, რომ 2020 წლის არჩევნებში უსამართლოდ დამარცხდა, რადგან "აშშ ჯოჯოხეთისკენ მიექანება".
ტრამპა მოსამართლის გადაწყვეტილებას უსამართლოდ შეაფასა და მას "ტრამპის მოძულე მოსამართლე" უწოდა. მანამდე სასამართლოში ტრამპმა მკაცრი რიტორიკის გამო გაფრთხილება მიიღო.
მას 34-მდე ბრალი წაუყენეს, მათ შორის ბიზნეს ჩანაწერების გაყალბება. იგი არც ერთ მათგანს აღიარებს. 4 აპრილის პროცესი ნიუ იორკში 45 წუთამდე გაგრძელდა.
ვინ არის პორნოვარსკლავი, რომლის გაჩუმების გამო ტრამპს ბრალი წაუყენეს?
აშშ-ის ყოფილ პრეზიდენტს, დონალდ ტრამპს 2016 წელს საპრეზიდენტო არჩევნებისას ყოფილი პორნომსახიობი სტორმი დენიელსისთვის თანხის გადახდის დაფარვისთვის ბრალი წაუყენეს.
როგორ გამოიყენებს ტრამპი საბრალდებო დასკვნას 2024 წლის საპრეზიდენტო არჩევნებისთვის?
ანალიტიკოსთა აზრით, ტრამპი შეეცდება საკუთარი საბრალდებო დასკვნა თავის სასარგებლოდ გამოიყენოს და დემოკრატებს დააბრალოს, სასამართლო სისტემის მის წინააღმდეგ გამოყენება. თუმცა, ამასთანავე, მოსალოდნელია, რომ ყოფილი პრეზიდენტის დრამებით დაღლილი რესპუბლიკელები პრაიმერისას სხვა კანდიდატის ძებნას დაიწყებენ.
ყოფილი პრეზიდენტისთვის ბრალის წაყენება უპრეცედენტოა აშშ-ს ისტორიაში. Reuters-მა ჩაწერა რესპუბლიკელი მრჩევლები, პარტიის წარმომადგენლები და პოლიტიკური ანალიტიკოსები: მათი თქმით, ტრამპის მხარდამჭერები საქმეს პოლიტიკურად მოტივირებულად თვლიან და ამან შეიძლება მხოლოდ გააძლიეროს მათი გადაწყვეტილება, მხარი დაუჭირონ მას 2024 წლის რესპუბლიკური პარტიის პრაიმერში.
პრაიმერის მოსაგებად, ტრამპს, სავარაუდოდ, მოუწევს თავისი მხარდაჭერის გაფართოება: წინასწარი მონაცემებით, ყველაფრის მიუხედავად, რესპუბლიკელი ამომრჩევლის 25%-30% ტრამპის ერთგული ამომრჩეველია. ეს რიცხვი საკმარისი არ არის. როგორ გამოიყენებს საბრალდებო დასკვნას ტრამპი ამომრჩევლის გასაზრდელად მთავარ კითხვად რჩება.
ტრამპთან დაახლოებულმა ადამიანებმა განაცხადეს, რომ მისი კამპანია შეეცდება წარმოაჩინოს საბრალდებო დასკვნა, როგორც მტკიცებულება იმისა, რომ ყველა დევნა - მათ შორის მისი ორი იმპიჩმენტი კონგრესში - არის დემოკრატების გაუმართლებელი მცდელობა, ძირი გამოუთხაროს მას და მის მხარდამჭერებს.
