პრეზიდენტის ადმინისტრაციის პრესსამსახურის ცნობით, სალომე ზურაბიშვილმა პრემიერმინისტრ ირაკლი ღარიბაშვილთან ქვეყანაში შექმნილი პოლიტიკური მდგომარეობა და დიალოგის აუცილებლობა განიხილა. შეხვედრის შესახებ დამატებით ინფორმაციას პრესსამსახური არ ავრცელებს.
ამავდროულად, პრემიერმინისტრმა, ირაკლი ღარიბაშვილმა ოპოზიციურ პარტიებს "გულწრფელი დიალოგის" დაწყება შესთავაზა.
ეს განცხადებები მოჰყვა ერთიანი ნაციონალური მოძრაობის ლიდერის, ნიკა მელიას დაკავების შესახებ საქართველოს საერთაშორისო პარტნიორების მკაცრ მოწოდებებს ხელისუფლების მიმართ.
