ჩრდილოეთ სირიაში აშშ-ის საჰაერო დარტყმების შედეგად ალ-კაიდას ლიდერი სანაფი ალ-ნასრი მოკლეს. ამის შესახებ პენტაგონის განცხადებაშია ნათქვამი.
პენტაგონის განცხადებაში აღნიშნულია, რომ სანაფი ალ-ნასრი საუდის არაბეთის მოქალაქე, სირიაში ალ-კაიდას ვეტერანი ჯიჰადისტების, ხორასანის დაჯგუფების ყველაზე მაღალრეიტინგული წევრი იყო.
ბოლო ოთხის თვის განმავლობაში, ნასრის გარდა, ლიკვიდირებულია ხორასანის ჯგუფის ოთხი ლიდერი.
აშშ-ის თავდაცვის მდივნის, ეშტონ კარტერის თქმით, აშშ არ შეწყვეტს თავის მისიას, გაანადგუროს ალ-კაიდა და მისი ნაშთები.
„ისინი, ვინც აპირებენ ჩვენთვის ზიანის მოყენებას, არ არიან მიუწვდომელნი", - თქვა კარტერმა.