მარნეულში საკრებულოს თავმჯდომარის მოადგილის შვილსა და არასრულწლოვანს შორის დაპირისპირების ფაქტზე შსს-მ გამოძიება დაიწყო. ამის შესახებ ინფორმაციას ტაბულას შინაგან საქმეთა სამინისტროში უდასტურებენ.
"მარნეულის მუნიციპალიტეტის საკრებულოს თავმჯდომარის მოადგილის, რიჩარდ გიგანის შვილმა საკონდიტრო მაღაზიაში ახალგაზრდას ქართული ენის არცოდნის გამო სცემა." - წერს აქტივისტი სამირა ბაირამოვა სოციალურ ქსელში.
აქტივისტი აგრეთვე წერს, რომ ადგილზეა მარნეულის პოლიციის უფროსი, საკრებულოს თავმჯდომარე, პარლამენტის დეპუტატი, სუსი, პოლიცია, საკრებულოს წევრები.
შსს-ს ცნობით, გამოძიება სისხლის სამართლის კოდექსის 126-ე მუხლის, პირველი პრიმა პუნქტით მიმდინარეობს, რაც არასრულწლოვანზე ძალადობას გულისხმობს.
