14 აგვისტოს ღამეს, უკრაინამ რუსეთში, ვოლგოგრადში მდებარე "ლუკოილის" ნავთობის გადამამუშავებელ ქარხანაზე უპილოტო საფრენი აპარატებით იერიში მიიტანა.
ნავთობის ქარხანაზე იერიში დაადასტურა ვოლგოგრადის ოლქის გუბერნატორმა, ანდრეი ბოჩაროვმა:
"დრონების ნამსხვრევების ვარდნის შედეგად, ვოლგოგრადის ოლქში მდებარე ნავთობის გადამამუშავებელი ქარხნიდან ნავთობპროდუქტების გაჟონვა და აალება მოხდა".
იერიშის გამო, რუსეთს ავიაციის ადგილობრივმა წარმომადგენლობამ ვოლგოგრადის აეროპორტი დახურა.
ლუკოილის ქარხანა სამხრეთ ფედერალური ოლქის ერთ-ერთი ყველაზე მსხვილი საწარმოა, რომლის სიმძლავრე 14.8 მილიონ ტონას შეადგენს.
უკრაინამ ქარხანაზე იერიში ბოლო 48 საათში ორჯერ მიიტანა.
