10 ივლისს, რუსეთმა კიევზე უპილოტო საფრენი აპარატებითა და ბალისტიკური რაკეტებით მასიური იერიში მიიტანა. დაბომბვის შედეგად დაიღუპა 2 ქალი.
უკრაინის შინაგან საქმეთა სამინისტროს ინფორმაციით, დაღუპულები არიან 68 წლის დედაქალაქის მაცხოვრებელი და 22 წლის პოლიციის კაპრალი.
გარდა ამისა, რუსული იერიშის შედეგად დაშავდა ათზე მეტი ადამიანი.
კიევის 8 რაიონში დაზიანდა საცხოვრებელი, სამედიცინო, სასწავლო, სავაჭრო და სატრანსპორტო ინფრასტრუქტრა.
ნანგრევებიდან დაშავებულების ამოყვანა გრძელდება. სამძებრო-სამაშველო და ხანძარსაწინააღმდეგო სამუშაოებში ჩართულია 400-მდე მაშველი და 90 ერთეული ტექნიკა.
რუსეთი უკრაინის რეგიონებს ავიაციითა და არტილერიით ყოველდღიურად ბომბავს.
